أفضل برنامج متابعة للحمل لضمان سلامة الأم والجنين

في الحقيقة أفضل برنامج متابعة للحمل أنصح به هو إن المرأة المتزوجة تبدأ المتابعة مع الطبيب قبل حدوث الحمل أساساً.

يعني تعمل فحص شامل أولاً، علشان تتأكد إن وظائف جسمها كلها طبيعية، وإنها كمان لا تعاني من أي التهابات أو مشاكل صحية قد تسبب أى تعقيدات أثناء الحمل مستقبلاً.

أفضل برنامج متابعة للحمل لضمان سلامة الأم والجنين

متابعة الحمل فعلياً تبدأ من مجرد غياب الدورة الشهرية فوراً مش تنتظر شهور.

• يجب المتابعة في الأول للتأكد من ان الحمل سليم وداخل الرحم
• ثم انه يوجد نبض في الجنين
• ثم على مدار فترة الحمل لنتابع نمو الجنين

أفضل جدول زمني للمتابعة مع الطبيب أثناء الحمل

طبعاً متابعة الحمل كجدول زمني بتختلف من حالة لأخرى حسب حالتها الصحية وحالة جنينها. 

لكن بالتقريب المفروض المرأة الحامل متبعدش عن مراجعة طبيبها أكثر من ٢ إلى ٣ أسابيع

ثم تصبح المتابعة اسبوعيا من منتصف الشهر الثامن.

لكن أكرر إن فيه حالات تحتاج متابعة أدق وأقرب من كده، وده بيتم تحديده من خلال الطبيب المعالج والمتابع للحالة.

تحاليل مهمة أثناء المتابعة لكل حامل

• فصيلة الدم
• عامل ريسس rh
• صوره دم كاملة 
• تحليل بول كامل
• سكر صايم وفاطر وتراكمي
• نسبة الكالسيوم 
• وظائف كلي وكبد
• الغدة الدرقية
• التوكسوبلازما

لو حالة لها ظروف صحية خاصة ممكن تحتاج تحاليل أكثر طبعاً وده بعد الرجوع للطبيب المعالج.

مواعيد متابعة السونار أثناء الحمل

بالنسبة للسونار بتحتاج تقريباً تعمله مرة كل أسبوعين. 

وفي الشهر الخامس بنحتاج نعمل سونار رباعي الأبعاد للاطمئنان على عدم وجود أي تشوهات خلقية بالجنين. وإن كان معظمها عادةً بيظهر بالسونار العادي.

العلاج أثناء فترة الحمل

تحتاج المرأة الحامل أول ٣ شهور لأخذ حمض الفوليك.

بعد كده تحتاج حديد وكالسيوم أساسي، وممكن تحتاج أكثر من كده حسب نتيجة تحاليلها، و طبعاً حسب رأي الطبيب المعالج.

امتى تحتاج المرأة الحامل المتابعة مع طبيب غير النساء والتوليد

• السيدات اللى عملت عمليات كبيرة في القلب أو المخ
• أو اتعرضت لنقل أعضاء
• أو بتمشي على علاجات مدي الحياة—حتي لو نفسية

في كل الحالات دي، بتحتاج تكون متابعتها بين طبيب النساء إلى جانب الطبيب للحالة الأساسية، ويكون دايماً فيه تشاور بينهم على العلاج أثناء الحمل.

أهم حاجة إن المرأة الحامل متاخدش أى علاج أياً كان إلا بعد الرجوع لطبيب النساء أولاً.

لو محتاجة المساعدة الطبية تقدري تشرفينا في العيادة.

  أي سيدة بتيجي من الصفحة، الجروب، أو من الموقع هنا بيكون لها خصم خاص في عيادة النساء والتوليد. 

 د/  سحر عبد العال حامد
استشارية أمراض النساء والتوليد وعلاج العقم