أخطر ٥ أضرار للولادة القيصرية

من المؤكد إن مفيش أحسن من الطبيعي ولو اتكلمنا بشكل عام بدون تحديد حالة بعينها، فنقدر نقول إن الولادة الطبيعية هي أفضل من الولادة القيصرية فى المجمل.

والسبب فى ده وجود الكثير من الأضرار والآثار  طويلة المدى للولادات القيصرية.

من أهم أضرار الولادة القيصرية

هي إن المريضة طبعاً بتحتاج تاخد تخدير، سواء تام أو نصفي.

وكل كتب العالم سجلت حدوث نسبة مضاعفات، مهما كانت كفاءة الفريق الطبي. هي نادراً ما بتكون خطيرة، بس ممكن تحصل المضاعفات من تاثير التخدير، بدون الدخول في تفاصيل طبية.

قراءة مهمة: ١٦ نصيحة للمرأة الحامل قبل وبعد الولادة القيصرية

٥ أضرار أخرى للولادة القيصرية

وجود جرح مكان القيصرية بيحول المنطقة دي لمكان ضعف في الجسم، فبتكون معرضة أكثر من المرأة اللي معملتش قيصرية للمشاكل الآتية:

١- حدوث فتاق في حالة حمل أشياء ثقيلة مثلاً

٢- بتقل جداً فرصتها في الولادة الطبيعية بعد أول قيصرية، وبتنعدم بعد ثاني قيصرية

٣- بتكون معرضة أكثر للولادة المبكرة في الحمل اللي بعده، لو حدث ألم شديد في مكان جرح القيصرية السابقة، حتي لو كانت مكملتش فترة الحمل كاملة

٤- طبعاً ده غير إن مهما كان الشغل والخياطة تجميلية بيكون فيه أثر واضح للجراحة، غير اللى ولدت طبيعي

٥- مبتقدرش ترجع لحياتها ونشاطها الطبيعي بسرعة زى اللي والدة طبيعي، لأن مؤكد بتفقد دم أكثر زى أي عملية جراحية فيها فتح بطن

لكن ده لا يمنع أكيد أن الولادة القيصرية بتكون لها ضرورة طبية فى بعض الحالات، وبتكون بالرغم من كل الأضرار هى الحل الأسلم والأصح للأم والجنين.

لكن ما يحدث في معظم الأحيان إن المرأة الحامل بتلجأ لهذا الاختيار على أنه الاختيار الأسهل والأقل ايلاماً وده خطأ كبير.

ففي حال عدم وجود ضرورة حقيقية، يكون قرار الولادة القيصرية قرار غير سليم بالمرة، ويعرض المرأة لكثير من المشاكل المحتملة من غير أي داعي.

لو محتاجة المساعدة الطبية تقدري تشرفينا في العيادة.

  أي سيدة بتيجي من الصفحة، الجروب، أو من الموقع هنا بيكون لها خصم خاص في عيادة النساء والتوليد. 

 د/  سحر عبد العال حامد
استشارية أمراض النساء والتوليد وعلاج العقم